პროფესორ ვლადიმერ (მამუკა) მარგველაშვილის სტომატოლოგიური კლინიკა დაარსდა 1994 წელს. კლინიკა დააფუძნეს პროფესორებმა ვლადიმერ (მამუკა) მარგველაშვილმა და  მანანა კალანდაძემ. დაარსების დღიდან კლინიკის პრიორიტეტია უმაღლესი ხარისხის სტომატოლოგიური მომსახურების დანერგვა და განხორციელება.

კლინიკა აღჭურვილია თანამედროვე მაღალტექნოლოგიური აპარატურით. კლინიკის სამედიცინო პერსონალი მუდმივად ზრუნავს პროფესიონალური დონის ამაღლებაზე. ისინი სისტემატიურად ესწრებიან საერთაშორისო სტომატოლოგიურ კონგრესებს. კლინიკის დამფუძნებლების ორგანიზებით საქართველოში ტარდება მრავალი საერთაშორისო კონგრესი, სამეცნიერო კონფერენციები და მასტერკლასები.

კლინიკაში პაციენტების მკურნალობა ხორცილედება სტომატოლოგიის შემდეგ მიმართულებებში: თერაპია, ორთოპედია, იმპლანტოლოგია, ქირურგია, ორთოდონტია, ბავშვთა სტომატოლოგია და პაროდონტოლოგია.

1999 წლიდან კლინიკის ბაზაზე ფუნქციონირებს რეზიდენტურის პროგრამა ორთოპედიულ სტომატოლოგიაში, თერაპიულ სტომატოლოგიაში და რეზიდენტურის შემოკლებული კურსი (გადამზადება) ორთოპედიულ სტომატოლოგიაში.

2001 წლიდან კლინიკა არის ივანე ჯავახიშვილის სახელობის თბილისის სახელმწიფო უნივერსიტეტის საუნივერსიტეტო კლინიკა.